بنت الجيران

[زوزو عرعر]

بسم الله الرحمن الرحيم

بصراحه حبيت أنزل القصة وانشاء الله تنال اعجابكم .

بعطيكم الشخصايت الأساسية في القصة.

بيت بو أحمد :

أم أحمد وبو أحمد متوفين

الأولاد :
فاطمة: البنت الكبيرة عمرهه31سنة متزوجه وعندهه 4أطفال (طبيبة)
أحمد : عمره30سنة متزوج من بنت عمه وعنده 5أطفال (مدرس)
على : عمره 27سنة متزوج من بنت عمته وعنده 3أطفال وزوجته حامل ( مهندس مدني)
شريفه:عمرهه 21سنة غير متزوجة طالبة في كلية الهندسة. (بطلة القصة)
عبدالملك : توأم شريفه غير متزوج (ملازم أول في الدفاع المدني)

بيت بو خالد :
بوخالد (عبدالله) ريال طيب كريم وحنون على عياله
أم خالد (مريم) ربة بيت حنونه وطيبة على عيالها

الأولاد :
خالد : الولد الأكبر من الأب( ولده من زوجته الأولى ) عمره27سنة غير متزوج (عقيد في الدفاع المدني) بطل القصة
أمل: البنت الكبيرة عمرهه25سنة متزوجة
محمد : عمره سنة24 متزوج
حصة :عمرهه 23سنة غير متزوجة (طبيبة)
سلطان:توأم حصة غير متزوج (طيار)
أمزان: عمرهه21سنة غير متزجة طالبة في كلية الهندسة (صديقة شريفة الروح بالروح)


بعطيكم شرح مبسط عن القصة
نبدأبحياة بيت بو أحمد

شريفة وعبدالملك يعيشون في البيت بروحهم من بعد ماأخوانهم تزوجوا طبعا أول شي كانوا عايشين في نفس البيت بعد كم سنة كل واحد أستقل في بيت بروحهه على الرغم من أنهم كل واحد في بيته بروحه لكن قلوبهم على بعض وما يمر يوم الا وهم مكلمين ومتطمنين على بعض.

حياة بيت بو خالد
بوخالد كان متزوج من قبل والله رزقه بخالد وبعد سنتين توفت أم خالد و تزوج مريم وريت خالد مثل عيالهه ولافرقت بنه وبينهم ومن كثر ماتحبه تسمت بأسمه وصاروا الناس يسمونهه بأم خالد .
عيال بوخالد من كانوا صغار اصدقاء بيت بوأحمد أمزان وحصة كانوا أصدقاء شريفه لكن أمزان كانت صديقة شريفة الروح بالروح أكثر من حصة وخالد صديق عبدالملك بالرغم من فارق السن اللي بينهم لكنهم مع بعض وايد
شريفه ماكانت ترتاح مع خالد ولا تسولف معاه مثل ماتسولف مع خوانه أما خالد فكان يحب شريفة ولا كان أحد يدري الا اخوهه يوسف (ولد عمهه وأخوهه بالرضاعه).

آسفة طولت عليكم وألحين نبدأ القصة


الحلقة الأولى.

يوم الجمعة في بيت بو أحمد
شريفة تصحي عبدالملك من النوم

شريفة بحنان : عبدالملك
عبدالملك ولا في البال رايح في سابع نومه
شريفة تمسح على راسة : ملوك قوم ملوك
عبدالملك بكسل: تكفين بس خمس دقايق
شريفة: ولا دقيقة قوم الساعة عشر يدوب تسبح وتروح الخطبة
عبدالملك : انشاء الله بس أبي ريوق
شريفة بإبتسامتها العذبة: فديتك أنت قوم وبتلاقي الريوق زاهب
عبدالملك : إنشاء الله

قام عبدالملك من النوم وراحت شريفة تسوي الريوق لأخوها

عبدالملك وهو يشرب الحليب : ليش ماتاكلين
شريفة : عليك بالعافية أنا أكلت قبلك
عبدالملك: شروفة
شريفة : نعم
عبدالملك :باجر بتداومين
شريفة :أكيد معني أدري ان محد راح يداوم من الدكاتره بس بجرب حظي يمكن يداومون.
عبدالملك : الحمدلله
شريفة :بالعافية
عبدالملك :الله يعافيج أنا بروح أسبح بس طلعيلي الدشداشة وزهبيلي الفحم
شريفة :إن شاء الله

إنشاء الله هذا الجزء ينال إعجابكم

يتبع:d

[زوزو عرعر]

أشكر كل من شجعني على الإستمرار في الكتابة
الحلقة الثانية

بعد مارجع عبدالملك من الصلاةشاف شريفه قاعدهعلى الابتوب.

عبدالملك: السلام عليكم
شريفه: هلا عليكم السلام تقبل الله
عبدالملك: منا ومنج انشاء الله الا شنو قاعده تسوين
شريفه : شوفة عينك قاعده أشوف الجدول تدري باجرالدوام
عبدالملك: انزين شنو الغدا
شريفه: اليوم ما طبخت
عبدالملك:ليش عاد حدي يوعان
شريفه:عادي ييب من المطعم من زمان ما أكلنا من المطعم
عبدالملك: انزين شنو بتاكلين
شريفه: مشتهيه ماكدونالدز
عبدالملك: انشاء الله الحين اروح
شريفه:ودي نتغدى في المطعم
عبدالملك: خلاص عيل روحي لبسي
شريفه: عطني عشر دقايق
عبد الملك: اخذي راحتج ماني مستعيل
وراحت شريفه ولبست بدلة بيظه وفيهه ورود وردية
وهم في المطعم يرن تلفون شريفه وكانت أختهه فاطمة
شافت : نور عيوني يتصل بك
شريفه: ألوو
فاطمة: هلا شروف
شريفه: هلا أنتي شلونج
فاطمة : تمام انتي شلونج
شريفه : الحمدلله
فاطمة : شنو قاعده تسوين
شريفه : في المطعم أتغدا مع ملوك
فاطمة: اي أي مطعم
شريفه: ماكدونالدز
فاطمة: انزين تعالوا عندي قاعده بروحي مع اليهال وأحمد رايح البر مع ربعه
شريفه: خلاص بعد الغدا بنمرج تبين نيب غدا لج ولليهال
فاطمة: لا الحمدلله خلاص عيل أشوفكم العصر
شريفه: أوكي
فاطمة : يالله بااي
شريفه: بايات
عبدالملك: شتقول فطوم
شريفه : تبينه نروحلهه تقول ريلهه رايح البر وهي قاعده بروحهه مع اليهال
عبدالملك: نروح شورانه
شريفه: على قولتك
بعد ماخلصوا من الغدا وهم بالسيارة
شريفه: يمكن اروح السوق مع فطوم
عبدالملك: واليهال بيتون بروحهم
شريفه: لا طبعا أنت أخذ الصبيان واحنا ناخذ البنات
عبدالملك : خلاص نشوف شنويصير

وصلوا بيت فاطمة اللي كان بالشامية

فاطمة كانت قاعده تسبح محمد ولدهه ويرن جرس البيت طبعا تعرفون منو على الباب.
فاطمه: بشاير شوفي منو على الباب( بشاير بنتهه الكبيرة عمرهه 10 سنوات)
بشاير ترفع الانتركوم:منو
شريفه : انا خالتج
بشاير : الحين أفتح الباب
فتحت بشاير الباب ونزلت لهم
شريفه تبوس بشاير : هلا بشور شلونج حبيبتي
بشاير: الحمدلله أوه خالي ملوك
عبدالملك يبوسها: استحي انا خالج مو واحد من خوانج
بشاير : شدعوه ندلعك ولا نسيت عندك من يدلعك في البيت
عبدالملك:قلتهه عندي منو يدلعني
شريفه تبتسم : فديتكم ادري انكم تقصدوني
بشاير: ليش قعدتوا هني صعدوا فوق
عبدالملك: أول مرة بشور تقول شي صح
بشاير: انا وعلي علي دومي أقول الأشياء الصح
عبدالملك: باين ياحلوة
وصعدوا فوق وشافوا سالم وشروق (توأم العمر 8سنوات)
قاعدين بالصالة يلعبون بلي ستيشن
شريفه: الحلوين شنو يسوون
شروق :أهلا وانا اشوف بشور ليش طولت تحت واماصعدت بسرعه أثاريها تسولف معاكم
وراحت شروق وسلمت عليهم
عبدالملك: سلوم ويدي ليش ماتي تسلم
سالم يسلم عليهم: تدري باجر المدرسة وانا لازم استغل كل دقيقة باللعب لان من باجر امي راح تعلن الحرمان علي
شريفه: زين تسوي فيك الا صج وين امكم
بشاير: تلبس حمود ملابسة والحين بتي
عبدالملك: سلوم ماود تطلع
سالم: على ايدك بس امي ترضا
عبدالملك: امك خلهه علي
وتدخل عليهم فاطمه معاهه محمد (آخر العنقود العمر سنتين)

فاطمة: شفيهه أمه تسلم علهم
عبدالملك:لا بس كنت اقترح عليه انه نطلع أنا وياه ومع الحلو حمودي
فاطمه: انزين روحوا بس الساعه 8 انتوا في البيت
سالم يبوس امه: انشاء الله
بشاير: انزين احنه بعد نبي نطلع
شروق: اي صح مو بس الصبيان
شريفه: خلاص احنا نطلع نروح السوق
فاطمه: شنو بغيتي من السوق؟
شريه : تدرين باجر الدوام جود احصلي بدلة حلوة ومرة حده بشترلي ملافع
فاطمه: خلاص عيل على الساعه 4 ونص نطلع بس وين بتروحين
شريفه: هالمره على ذوق البنات
بشاير: كيفكم بس أهم شي ماكن فيه العاب على الأقل قبل لا نطلع من المجمع نلعب
شروق: اي صح
فاطمهك خلاص اول شي نروح السالمية القديمة وبعدين نروح السوق الأحمر
شروق وبشاير: هيه
شريفه تضحك: ههههه خلا اللي تشوفونه
سالم: واحنه وين بنروح
عبدالملك: بالسيارة بقولك
شريفه: شوفوا الساعه 8 الكل اهني والعشا بييبه معاه ملوك
عبدالملك: على كيفج انتي
بشاير: اي اذا تبون امي تخلي سلوم وحمود يطلعون
سالم: خالي تكفه وافق ما صدقت على الله اني بطلع
عبدالملك: خلاص علي وامري لله
شريفه: عاد شنو يتعشينه
بشاير و شروق ويتساسرون مع بعض وقالوا بصوت واحد: apple peaze(أبل بيز)
فاطمه: والله ويابوهه بناتي
شريفه: هههه ها شنو قلت
عبدالملك: بعد شقول دام ريه وسكينه قالوا خلاص انا موافق
شريفه وبشاير وشروق: yeas هههههههههه
الكل تم يضحك
يتبع

[زوزو عرعر]

الحلقة الثالثة

رن تلفون شريفه
أمزان حياتي يتصل بك

شريفه: هلا والله
أمزان: هلا فيج شلونج
شريفه: تمام انتي شلونج
أمزان: تمام وينج فيه وايد ازعاج
شريفه تروح بيعد عنهم: انا بالشامية عند فاطمة
أمزان: اي انزين باجر بالداومين
شريفه: اي اكيد
أمزان: أقول تاخذيني معاج لان سيلرتي لمن الحين بالوكالة
شريفه: أوكي صار
أمزان: صار يالله اشوفج باجر باي
شريفه: يالله سلمي على الكل باي
أمزان : الله يسلمج باي
وسكرت شريفه من امزان رجعت لاخوانهه
عبدالملك: منو
شريفه: أمزان
عبدالملك في خاطره فديتها
فاطمة: اذن العصر يالله نصلي وبعدين نطلع
شريفه: اوكي
وهم في السوق الأحمر بعد ماخلصوا مشتروات قعدوا يسولفون ويشوفون البنات يلعبون
شريفه: فطوم
فاطمه: هلا
شريفه: شرايج نخطب حق ملوك
فاطمه: على ايدج بس اهو قالج
شريفه: لا بس والله خاطري يتزوج
فاطمه: انزين منو في بالج
شريفه: امزان
فاطمه: امزان والنعم فيها بس لازم تكلمين ملك يمكن مايبي امزان او مايبي يتزوج
شريفه: انا عندي احساس انه يحب امزان
فاطمه: شدراج
شريفه: اليوم عندج اهو يدري ان امزان اهي اللي متصله ليش يسأل ويوم قلتله سرح ومن اروح عندهم يقولي سلمي على صديقتج
فاطمه: أثاريه مو هين ملوك
شريفه: عيل تصدقين احس انهم لايقين حق بعض
فاطه: انزين شلون نتأكد انه يحبها
شريفه: انا بقولج باجر انا لازم امر امزان الصبح لان سيارتهه بالوكالة انزين وانا بقول حق ملوك ان مالي خلق اسوق واذا سألني ليش ما ازوح مع أمزان راح اقوله عن سالفة امزان وبهذي الطريقه راح يبين اذا كان يحبهه ولا لا
فاطمه: خلا باجر عطيني النتيجه
شريفه: انشاء الله
فاطمه: بشاير وشروق
البنات: نعم
فاطمه: يالله يمى تأخرنا
البنات: انشاء الله
وبعدها رجعوا الشامية وتعشوا وشريفه وعبدالملك
رجعوا البيت
الساعه 12 بالليل
شريفه: ملوك
عبدالملك: نعم
شريفه:شرايك باجر توديني الجامعة
عبدالملك: ليش وين سيارتج
شريفه: مالي خلق اسوق
عبدالملك: انزين خلي امزان توصلج
شريفه: امزان سيارتها بالوكاله واهي بتي معاي
عبدالملك بخاطرة فكر يتشوفها بالروحه وبالرده وافق وانت الربحان
عبدالملك: خلاص متى ماظرتج
شريفه: ابدا الدوام الساعه 10 اخلص الساعه 3 العصر
عبدالملك: انزين يالله انا الحين روح انا تصبحين على خير
شريفه: وانته من أهل الخير
يتبع

[زوزو عرعر]

الحلقة الرابعة

شريفة تتصل بأمزان وفي هالوقت أمزان كانت قاعده مع خالد أخوهه.

يرن تلفونهه
شوشو يتصل بك
أمزان: ألوو
شريفه: فضائية مصريه هههه شلونج
أمزان : ههه هلا شريفه
خالد من سمع اسم شريفة رفع راسه لانه كان قاعد على الابتوب
شريفه: مزمز باجر ترى ملوك بودينه
أمزان: أوكي مو مشكله بس لازم أشاور
شريفه: منو تشاورين؟
أمزان حبت تتغشمر معاها وقالت بصوت واطي: أشاور ريلج أقصد خالد
شريفه: نعم ماسمعت عيدي اللي قلتيه
أمزان : خلاص خلاص لا تعصبين بيي باجر معاج
شريفه: اي ظيعي السالفه ما علينه اشوفج باجر باي
أمزان: باي
سكرت أمزان من شريفه
أمزان: مايسوى علي مادري هالبنت على منو طالعه جبريت
خالد: تكلمين منو انتي وعن منو تتكلمين
أمزان أكلم نفسي وعن شروف بعدين أنت ليش تسأل
خالد بارتباك: ها لابس اسأل
أمزان بابتسامة خلت خالد يحس انهه تدري بحبه لشريفه : انزين يالله تصبح على خير.
خالد: وانتي من أهله

اليوم الثاني شريفه تتصل بأمزان
أمزان بصوت متكاسل: ألوو
شريفه: أمزان يالله قومي الساعه 8.30
أمزان: يالله الحين أقوم يالله باي
شريفه: موتردين تنامين يالله باي

وسكرت أمزان من عند شريفه واقمت من النوم

الساعه 9.15 عبدالملك وشريفه ناطرين أمزان
شريفه بنفاذ صبر: سنه على ماتي بروح أشوفهه
نزلت شريفه ودخلت داخل وشافت خالد
شريفه بقلبهه: يالله صباح خير عاد ماصبحت الا في ويهه
شريفه: السلام عليكم
خالد بابتسامه عذبة: وعليكم السلام شلونج شريفه
شريفه في قلبهه بدا بالسوالف: بخير الله يسلمك ممكن تنادي أمزان
وعلى نزلة أمزان
أمزان: كاني ييت شلونك خالد
خالد : تمام
شريفه: يالله أمزان تأخرنا
أمزان يالله

وراحوا مع بعض وتم خالد يفكر: مادري شلون اخليهه تحس فيني والله لو تدري اني أموت على التراب اللي تمشي عليه جان ماسوت فيني جذي

تتوقعون شريفه راح تحس في خالد وأمازن عبدالملك راح يتزوجون


رايكم احبابي

[زوزو عرعر]

الحلقة الخامسة


في السيارة عند عبدالملك وشريفة وأمزان طبعا عبدالملك ماصدق خبر طول الدرب وهو كان يشوفها من تحت النظارات الشمسية وأول ماوصلوا الكلية
عبدالملك:متى تخلصون
أمزان: مايحتاي تي خالد أخوي بيي ياخذنا
عبدالملك : خير انشاء الله انا ماشي تبون شي
أمزان وشريفة:سلامتك

وهم في طريجهم للقاعه
شريفة: انتي ليش ماقلتيلي ان اخوج بيي ياخذنه
أمزان: وانتي ليش معصبة الحين
شريفة:تدرين ما أحب أركب مع خالد ليش تتعمدين تثيرين أعصابي انا ماراح أرد معاج بتصل بملوك بخليه اهو اللي ياخذني
أمزان: شدعوة شروف تبيني أزعل منج وصدقيني آخر مرة ماعيدهه
شريفه: آخر مره
أمزان : خلاص أخر مرة عاد لاتعصبين من الصبح
شريفه: على بالي
أمزان : بعد تهدد ههههههه
شريفه:ههههههه

في وقت البريك أمزان وشريفة كانوا قاعدين يتغدون

شريفة: تدرين عندي احساس انج راح تتزوجين هالصيف
أمزان: بل فالج ماقبلناه ولبش مو انتي اللي تتزوجين
شريفة: ماتدرين يمكن بعد انا أتزوج كل شي جايز
أمزان: شروف اعترفي لايكون
قاطعتهه شريفهه:لاوالله اذا صار شي انتي أول وحده بتعرفين
أمزان: على بالي بعد جان قصبتج ههههه يالله الحين تبدأالمحاظرة

وهم رايحين القاعه تلاقوا مع صديقتهم سارة
سارة: قوة
شريفة وأمزان: قوتين هلا
وسلموا على بعض
أمزان: يالله امشوا تأخرنا على المحاظرة
سارة : صح نسيت أقولكم الدكتور معتذر
أمزان: أحسن مايقصر انشاء الله دوم
شريفه: فرقاه عيد وسعيد هههههههههههههههه
الكل ضحك
يرن تلفون سارة
زياد حياتي يتصل بك(زوجها)
سارة:ألوو
زياد: هلا سارون يالله خمس دقايق وانا عندج
سارة:أوكي حبيبي اذا وصلت اتصل
زياد: اوكي حبيبتي باي
سارة :بايات
سكرت التلفون وردت تكمل سوالف
أمزان: شروف ترى اتصلت بخالد وقلتله اينا
شريفة: انزين أقول سارون
سارة : قولي
شريفة: انتي شلون خطبوج أهل زياد
أمزان: شروف ماني خابرة انج بتخطبين حق أحد من أهلج
شريفة: ياربي مجرد سؤال يعني بس اكتساب خبرة
سارة: سمعي أول شي اتصلواتلفون وحددوا موعد وبعدين امه وخواته زارونه وشفتهم وقعدت معاهم سولنه سوالف عادية والمرة الثانية زياد كان معاهم وقعدت اسولف معاه وطبعا من السوالف والكلام راح ترتاحين منه أو تكشين منه.

ويرن تلفون سارة: هه عمره طويل انشاء الله ألوو
زياد:يالله انا برة
سارة: اوكي باي
زياد: باي
سارة: يالله بنات اشوفكم باجر
البنات: على خير انشاء الله

راحت سارة وقعدوا البنات ينطرون خالد
أمزان: شوشو بصراحه يعين ليش سألتي سارة هالسؤال
شريفة: أنا بقولج بصراحة خاطري أخطب حق ملوك
أمزان: حرام عليج توه صغير تحملينه مسؤولية بيت وعيال
شريفه: ليش اهوه مو أقل عن أحمد وعلي بشي كلهم تزوجا وهم في هالسن وهم كانوا يدرسون وهوالوحيد اللي منهم اللي بهالعمر اشتغل وعني دراسة وخلص ومشاء الله منصب بالدفاع شنو بعد ناقصة غير المرة اللي تريحه
أمزان: عاد منو سعيدة الحظ؟
شريفة: مادري بس بالأول لازم أكلمه مايصير أخطب بدون لا يدري
أمزان: الله يهنيه ويعطيه المرة اللي تسعده
شريفه قالتهه من الخاطر: آميييين

ويرن تلفون أمزان
خالد أخوي يتصل بك

أمزان: ألووو
خالد: هلا أمزان يالله انا برة
أمزان: أوكي باي
خالد : باي

سكرت أمزان من خالد وقالت: شريفة يالله خالد بره
شريفة من غير نفس: يالله
أمزان: شروف عاد لاتقلبينهه نكد قلتلج آخر مرة طوفيهه عاد
شريفه: انزين واي شكثر حنانه
أمزان: ماني أمزان اذا ماكنت حنانه هههه
شريفه: وانا ماني شريفه اذا ماكنت جبريت ههههه
أول مادخلت شريفة السيارة
قالت: السلام عليكم
خالد بابتسامة: هلا وعليكم السلام
أمزان: شدعوة عاد عطني ويه
خالد: انتي سلمتي ورديت عليج والحين شريفه سلمت وانا رديت عليهه يم اللسان

بعد لحظة صمت رن تلفون شريفة واللي كانت رنتهه اغنية حلم الكرى لحسين الجسمي وكان المتصل يوسف ولدعمهه وأخوهه بالرضاعه

بويعقوب يتصل بك
شريفه استانست يوم درت انه يوسف متصل لانه من زمان ماكلمته
وبابتسامة عذبة تأسر الخاطر: هلا بالطش والرش وماي الورد بالغرش نور التلفون
يوسف: ههههههه كل هذا حقي لو ادري انج بتقولين لي جذي جان اتصلت من زمان
شريفة: زين دريت انك ما تتصل لاانت ولافروس ( فراس أخو يوسف)
يوسف: حقج علي عاد خلاص لا تزعلين أنا ماأقدر على زعلج انتي الغالية
شريفه حمر ويهه:لا فديتك موزعلانه

خالد يفكر منو هذا يوسف اللي تتفداه ومنو فارس الأخ ناسي انهم أخوانهه

يوسف : اليوم انتي معزومه على العشا في بيتنا
شريفه: صار الغالي يالله أشوفك بالليل
يوسف: أوكي الغالية حاسبي على نفسج
شريفة : تامر أمر انشاء الله يالله مع السلامة
يوسف: في حفظة

طبعا خالد منقهر وده يسألهه منو هذوله علشان يبرد خاطره بس أمزان الظاهر قرت أفكاره وسألتهه.

أمزان: شرف
شريفة بعصبية: أمزان جم مره قلتلج لاتناديني بهالإسم انا اسمي شريفه أوكي
أمزان: أوكي خلاص حبي لاتعصبين حبيبتي شريفه
شريفةبإبتسامة: نعم
أمزان: منو هذا اللي طول الوقت تقوليله كلام حلو وانا ربع هالكلام ما أحصله
شريفه بفرحه : أموت على اللي يغارون هاذا يويو أخوي
أمزان: انزين منو فارس
شريفة: يوهو أمزان تحقيق شفيج انتي أكيد أخوي اليوم الظاهر فيوزاتج ظاربة شاربة ريدبول ولا شي

وصلت شريفة وعلى طول نزلت وقالت حق أمزان: سلمي على عمي وخالتي والبنات
أمزان: يوصل انشاء الله
شريفة كانت بتشكر خالد بس خالد سبقهه وقال: شدعوه مافي مع السلامة على الأقل مشكور تعبتك معاي أي شي يبين الشكر
طالعته شريفه بنظره ومشت عنهم ودخلت داخل البيت
أمزان بعصبية: خالد شفيك ليش جذي كلمتته ماني خابرتك تحرج أحد
خالد: كيفي اسوي اللي ابيه انتي مالج دخل
سكتت أمزان وماردت عليه صعدت شريفه لغرفتها ومتضايقه ومعصبة وتلوم نفسهه ليش ماردت مع أخوهه
شافهه عبدالملك وقال: شريفه شفيج
شريفه بإبتسامة: هلا ملوك لا فديتك ولا شي بس مصدعة تعرف قاعده من الصبح الا ماقلتلي تغديت
عبدالملك: أي الحمد لله الله يحيني أم خالد طرشتلي الغدا ماتقصر
شريفة: وانته الصاج قايمه فينه قومة


بعد لحظة سكوت قررت شريفه تفتح موضوع الخطوبة
شريفة: ملوك
عبدالملك يقرا الجريده: نعم
شريفة: هد اللي بيدك وطالعني
عبدالملك سكر الجريده والتفت لها: أمري
شريفة: مايامر عليك عدو أقول ماودك يعني تتزوج وتريحيني
عبدالملك بإبتسامة وفي خاطره أشوه اهي اللي فتحت الموضوع: مادري خليني أفكر ( طبعا قال الكلام علشان مايحسس شريفه بأي شي)
شريفه: يعني وايد بتاخذ وقت
عبدالملك: بالليل أرد لج خبر
شريفةشاقة الحلج : انشاء الله

رايكم

[زوزو عرعر]

يـــالله عـــاد ابــي ردودكــمـ

[خالد]

روعه ياليت تكملها القصه والله تحلت جوا مع القصه


نستنا جديدك

[وتلومني فيك]

ويعطيك العافيه على القصه الحلو ه


وتقبل مروري

[إُرٍهآإُبيَ]

يآطــــــووووولهـــــآآآآآ/ يعطيك العآفيه زوزو

[ڛھۄ۾ﻬ]

يعطيك الف عافيه

تحيااتي لك